# طل الربيع

- Writer: Nouhad Jaroudi
- Published: 2021-07-05
- Topic: شعرٌ ونثر
- URL: https://mirdad.app/articles/2103/طل-الربيع
- Source: Mirdad (mirdad.app), an Arabic writing and reading platform. Every piece is reviewed by an editor before it is published.

 

متل سكتة عاصفه بليلة شتي 
متل بلسم شافي للقلب العليل 
متل حلم مسافر بسكوت الحكي
متل ضو القمر بالعتمه دليل

متل شي غيم نزاح وطل الربيع
متل ورد مفتح عا جنب الطريق
متل شي بيرق لاح بالليل الفظيع
متل شي مدت ايد تتخلص غريق

طليت حبيبي وبعيونك بريق
نمشي سوى المشوار عانفس الطريق
ونبقى انا وانت تا تخلص الدني
يا قلبي وعيوني ويا عمري الهني

وترجع الايام، لوقت كنا زغار 
ونرجع سوى نعيش عمر الولدني
وباقة الاحلام نضما زرار زرار
ونكبر سوى حبيبي سنه ورا سنه

وحدك نور العتمه والحلم الحقيقي 
قلبك كلو رحمه وعاقلبي ملك
انت العمر كلو يا رفيقي وحبيبي
انت شمس الدفى وأنا كلني الك

نهاد