# الدنيا

- Writer: Ziad El Meseiri
- Published: 2021-08-10
- Topic: شعرٌ ونثر
- URL: https://mirdad.app/articles/2518/الدنيا
- Source: Mirdad (mirdad.app), an Arabic writing and reading platform. Every piece is reviewed by an editor before it is published.

الدنيا تلف تلف تدور

ومعاها نلف وتاني ندور!

لا عمر الحمل ف يوم بيخف

ولا زاد ف الشدة عن المذكور

واهي نفس الدايرة تلف تدور

ولا عمر القهوة..

ف يوم بتفور

مهو اصل الدايرة ميزان ممتاز

معلقة واتنين

من ايد استاذ

يسقينا المر ف كاس بالدور

ويهل الحلو بكل سرور

وندوق الحلو نقول يا سلام

نسّانا المر ف ثانية أوام

وكأن الامس تراب منثور

لا امبارح كان ..

ولا كنا نثور

الدنيا تلف تلف تدور

ومعاها نلف وتاني ندور

ولا عمر الحمل ف يوم بيخف

ولا زاد ف الشدة عن المذكور

امبارح كنت ف شط جميل

ستات ومراكب صوت مواويل

ونزلت المية كما الحلوين

ورقصت معاهم كالمساطيل !

وفوجئت بصوت

زعلان؟

مبسوط!

واتضح الصوت ده نواح وعويل

وعياط صداح قسّالي الليل

وعرفت ان احنا كما التماثيل

نتشال نتحط

بدون تفضيل

والدنيا تلف ومرة نلف

وده حمل يخف

وحمل يميل!