بطاريات مصنوعه من الفيرس ..

البطاريات في العادة بتتكون من أنود بينتج الكترونات ..وكاثود بيستقبل الالكترونات ..والكتروليت بيسمح بمرور الايونات بين الكاثود والانود وشويه اسلاك عشان الالكترون ينتقل من الانود للكاثود ..اغلب لو مكنش كل البطاريات الموجوده في الفتره الحاليه معتمدة علي الفلزات والعناصر وده بيكون في بعض الأحيان عيب من ضمن عيوبها لانك هتضطر انك تواجه سمية البطاريات دي لو متمش التخلص منها بشكل آمن ..لكن في معهد #MIT الباحثين فكروا بشكل #Molecular اكتر ازاي ممكن يعملوا بطاريات ينفع تعيد شحنها تاني ونفس الوقت صغيره جدا .. وأمنه جدا .. وكان احد الحلول الموجودة هو الvirus خاصه m13 لانه متخصص بس في مهاجمة بكتريا ال E.coli ..صغير جدا (#نانو) ونفس الوقت مع شويه هندسة وراثيه -الي هي أصلا نوعا ما سهله شويه فيه – ينفع انه يعبر عن بروتينات علي سطحه قادرة انها تجمع ايونات المعادن من الهواء او من الماء حوالينها ده غير ان مع شويه unnatural selection للفيروسات منه الي قادرة انها تشيل كميه اكبر من المعدن ده نقدر نحصل عل فيرس قادر انه يشتغل كبطاريه بشكل فعال جدا ..
طب حلو اوي ..
واحدة من اشهر البطاريات المعروفه هي بطارية ألليثيوم كوبلت والي بيستخدم فيها أكسيد الليثيوم كوبلت (licoO2) ك كاثود وجرافيت الليثيوم (LiC6)ك أنود في حاله التفريغ Discharge الانود الي هو جرافيت الليثيوم هيديني

 Li+, c6 , e2 

وطبعا التفاعل الي هيحصل في حاله الكاثود هيكون 

coO2+li2+e2=licoO2 

وفي حاله اعاده الشحن charge هيحصل العكس عشان يديني

 lic6+coO2
لكن العمليه دي كانت كدة لغايه ما ظهر في السبعينات بطاريه الليثيوم الهوائيه (#lithium_air_battery) ودي بتعتمد علي أكسدة الليثيوم في الانود باستخدام كاثود من الاكسجين .. بمعني بردو ان الانود هيكون متكون من الليثيوم لما يتفاعل مع الكاثود الي متكون من الاكسجين هيأدي ل li2o2 ولما يحصل إعادة شحن هيرجع تاني الليثيوم والاكسجين لمكانهم الطبيعي
الي حصل بقي في بطاريه الفيرس انهم زودو مساحة سطح التفاعل بانهم رسبوا علي بروتينات الفيرس أكسيد المغنسيوم mgO2 الي بيعتبر ماده مفضله ك كاثود بالنسبه لبطارية هواء الليثيوم عشان li2o2 يترسب عليه ويزود من مساحة سطح الكاثود والي بالتالي هيزود من الكهرباء الناتجة ..
لمدة طويله جدا من التاريخ فضل الفيرس واحد من اشرس أعداء الانسان ولفتره طويله بردو فضلت مشكله الكهرباء ومحدوديه الموارد وكفاءة انتاج الكهرباء من مصادر الطاقة النظيفة مشكله كبيرة بس في وجود الفيرس الي يعتبر اكتر كائن (تحت حي ) منتشر علي الكوكب وفي وجود التقنيه دي وسبل تطويرها ده بيسمح بمستقبل احسن للطاقه ..
هتلاقي في  المصادر صور بتشرح العمليه دي كلها وفيديوهات كمان شرح للتقنيه .

المصادر : 

https://physicsworld.com/.../viruses-breathe-new-life.../

https://www.wired.com/.../the-next-generation-of.../...

https://www.youtube.com/watch?v=IygCmIYOchg

https://www.youtube.com/watch?time_continue=4...

https://www.youtube.com/watch?v=8pMFLpiqPAc

بقلم 

Ahmed G. Soliman