السير النومي - هل صادفته من قبل؟؟

شي مرة صارت معكن وشفتوا حدا عم يمشي بنومو؟ أو مثلا نمت على تختك وفقت لقيت حالك بالبراد؟

اليوم رح نحكي عن حالة اسما السير النومي او السرنمة (somnambulism) أو Sleep Walking :

- المصابين بهاد الاضطراب بقوموا بفعاليات حركية تلقائية تتراوح من بسيطة ل معقدة (ممكن تشوفوه قاعد عم ياكل من البراد وممكن عم يمشي بنومه على حبل رفيع)؛ممكن يترك الشخص المصاب السرير ويمشوا وممكن يبولوا بشكل غير ملائم أو ياكلوا ويطلعوا برا البيت بس بكونوا واعيين بشكل جزئي فقط.

- ممكن تكون اليقظة التامة صعبة ،وممكن يستجيب بعض المرضى لمحاولات الإيقاظ بالهياج او حتى بالعنف.

- ينشأ السير النومي من المرحلة الثالثة او الرابعة للنوم وأكثر مابكون شائع عند الأطفال والمراهقين ،بحيث بتكون مراحل النوم هي هيي الأكثر شدة.

- عادة ما تكون النوبات معزولة بس ممكن تكون متكررة في 1 ل6 %من المرضى .

- في دراسات غير مؤكدة انو الأشخاص اللي بيمشوا بنومن هني أشخاص أذكياء جدا.

*السبب مجهول*

رغم أنه له أساس عائلي ب ثلث الحالات تقريبا.

كان معكم عامر