Mohamed Ayman 21 سبتمبر
10 أغسطس .
2 دقيقة قراءة .
120
الدنيا تلف تلف تدور
ومعاها نلف وتاني ندور!
لا عمر الحمل ف يوم بيخف
ولا زاد ف الشدة عن المذكور
واهي نفس الدايرة تلف تدور
ولا عمر القهوة..
ف يوم بتفور
مهو اصل الدايرة ميزان ممتاز
معلقة واتنين
من ايد استاذ
يسقينا المر ف كاس بالدور
ويهل الحلو بكل سرور
وندوق الحلو نقول يا سلام
نسّانا المر ف ثانية أوام
وكأن الامس تراب منثور
لا امبارح كان ..
ولا كنا نثور
الدنيا تلف تلف تدور
ومعاها نلف وتاني ندور
ولا عمر الحمل ف يوم بيخف
ولا زاد ف الشدة عن المذكور
امبارح كنت ف شط جميل
ستات ومراكب صوت مواويل
ونزلت المية كما الحلوين
ورقصت معاهم كالمساطيل !
وفوجئت بصوت
زعلان؟
مبسوط!
واتضح الصوت ده نواح وعويل
وعياط صداح قسّالي الليل
وعرفت ان احنا كما التماثيل
نتشال نتحط
بدون تفضيل
والدنيا تلف ومرة نلف
وده حمل يخف
وحمل يميل!
أنهيت القراءة
مرداداكتب ما تفكّر فيه، واقرأ ما يستحقّ وقتك.مِنصَّةٌ للثَّقافة والفنّ والعلم والأدب.
