كلام متقلش في نوفمبر

وكان أول شهيق في النوم

كطفلة في حضن بيطمن

كتبتلك وحشتيني ..

زفير مسموع على التليفون

بزيد الحضن وأتأمل

وبكتبلك بتهديني ..

وكان إلهام دفا صوتك

بيوحيلي ..

"ونور قلبك رسملي طريق صراط ديني"

حقا وقتها اتمنيت أكون ليكِ

بتصحي تلاقي صوتي لحاف يدفيكي

تكملي تاني في سكينة .

وأكتبلك .. 

"وعدتيني بأنك صعب تنسيني "

بتوعدي ليه بشيئ مجهول

دبحتي الروح بسكينة

أنا والله مكدبتش

في احساسي وفي حنيني

وليكِ في قلبي لسا حروف

وأولهم ... وحشتيني

#كلام_متقلش_في_نوفمبر

#عمرو_إسماعيل