Photo by bmx22c on Unsplash
27 نوفمبر .
1 دقيقة قراءة .
243
زمن العجايب
بقلم شاكر محمد المدهون
عجيب الزمن بيعطي للنذل أعوان
قلة أصل والمروءة بتنعدم
والجهل فيه ألوان
جاهل بيربي جهل
والعرق دساس
خسيس لما يشم نفسه
بينسى اللي كان
لما الأصايل تتحكم للنذل
يبقى الكلام سموم
والكبر لما يرتسم
على وجه كله ذل
تتغير الملامح
وتصبح البلاوي بالكوم
الفقر مش بالدراهم
الفقر في الأصول
واللي بيعيش بالمهانة
مفيش عليه لوم
واللي بيحضن الخسيس
خسيس ولو حمل العلوم
لوكان التدين اللحى
لكان التيس إمام القوم
والأدب مش بالمظاهر
ولا بكلام معسول
شوفو نذالة البشر
مش بشر في لون
عايزين تعرفو السر
السر طبع رجال
الكريم لو تكرمه تملكه
أما اللئيم بيخون
القلب خزان الكرم
واللسان كذاب
بيذوق كل طعم
وينخرس لو مال
واللي ما يحفظ عاهد
أكيد سبع الأنذال
-------------
شاكر محمد المدهون
أنهيت القراءة
شارك هذا النص مع من يحبّ القراءة.
افتح غرفة باسم هذا المقال، وادعُ من تريد إليها.
مرداداكتب ما تفكّر فيه، واقرأ ما يستحقّ وقتك.مِنصَّةٌ للثَّقافة والفنّ والعلم والأدب.
