15 فبراير .
1 دقيقة قراءة .
151
الحياة متل البازل،
بتبلّش بأول قطعة بتفكِرا سهلة،
تاني تالت رابع قطعة بتبلش تتشوّش،
بتحسّ حالك ضيّعت،
بتشيل قطعة من ميلة بتحطّا بتاني ميلة،
رح ترجع تضيعْ،
وتدّور ع راس الخيط، رح تكون القطعة لمش خاطرة ع بالك،
رح تفوت بمتاهات وتضيّع بالدهاليز،
بس مع كل ضياع رح ترجع تكتشف إشيا جديدة،
وورا كل ضباب في صورة واضحة رح تكتمل،
بالآخر بعد التعب والجُهد والوقت،
رح توصل للنهاية وتقول،
ما أسخَفا.
أنهيت القراءة
مرداداكتب ما تفكّر فيه، واقرأ ما يستحقّ وقتك.مِنصَّةٌ للثَّقافة والفنّ والعلم والأدب.
